كم جوابٍ مالقيته في سؤالي = وكم سوالٍ جار واحرمني الشهايد

من يمين ومن امام ومن شمالي = افهموها زيـــــــن حطوها قلايد

قلتها واعلن وخــطي استوالي = شاعرٍ واضـــــح تناديه القصايد

كل رجالٍ تعـــنا قـــــد مشالي = اشتري طيـــبه لو ادخل به مزايد

في خيال الطيب ماقوله خيالي = فـ الرخا واضح ويبرز فـ الشدايد

ونعم يانسل قــــــــومٍ ماتبالي = ونعم تاريخـــكم كــــــنه رعـايد

مايهزه لو تصــافـــــقه الليالي = واضحٍ خالـــف وضوحك ياجرايد

والرخوم الي عساهم بالزوالي = لو يحل الضــرب فيــهم بالحـدايد

لا يتوب ولا يصــــوم ولا يوالي = بينهم كـــذاب ومنــــافق وكـــايد

لو اعيد ولو ازيـــــد بلا مجالي = مثلهم ناقـــص اكـــــمل به زوايد

بس صحيح اني اقول ولا ابالي = ماحدٍ مــــثلـــي ودور فـ العوايد

قلتها واعــلــن ولا فيها جدالي = الصحيح الا الصــحيح الطيب رايد

استغفر الله لو بقول انه كمالي = بس صحيح اني لأهل الطيب قايد