يابنت أنا جيتك من الخلق مطعــون#جيتــــك وأنا كلي جـــروح وكــــــآبه
...
جيتــك أدور قلــب صافي حنــــــون#ماجيــــت لك للمصلحـــة واللعـــابه
...
وماجيت لك لأجل أنا فيـك مفتـــون#وإلا عشــان أجمــع حــروف الكـتابه
...
وإلا عشـان يقال صاحبك مزيــــــون#مافيـــه مثــله بالبشــــر لا مـــــابه
...
جيتك صريح وكل شي لك يهـــــون#بغيــت قلــب(ن) خلفــي يصك بابه
...
قلب(ن) وإلى سافرت لحبي يصـون#قلـــب(ن) على سنـة الله وكتـابه
...
جيتك نعيــش بعــالم الحـب ونكــون#أحــلا أثنيـــن والحـب نحفــظ آدابه
...
وأعطيك قلب(ن) يرفعك فوق المزون#وحنـان يتعـب كل واحــــد ماجابه
...
وعادي تـرى يابنـت لو قالوا مجنــــون#ماهمنـــي والقلــب إنتي عــذابه
...
بس للأسف يابنـت خابت بك ظنــون#جيتك أداوي الجرح وزدتي صــوابه
...
جرحي نزف والدمع في وسط العيون#مثله مثـــل يابنـت وبل السحــابه
...
قبـــل محبتـنا من الخلــق مطعـــــون#واليـــوم إنتي طعنتـك إتشـــــابه
...
خلــت حيـاتي مالـها طعـــم أو لـــون#واليوم جسمي ناحل من عــذابه
...
وليــه أنا يابنـت صـادق ومطعــــون..؟#هذا السؤال وماظنتي فيه إجابه


كلمات/فواز الرويلي