مسيكم بالخير








صلوا على النبي








هات القلم ياخوي في خاطـري بـوح=
ودي اترجم لي طـواري وهوجـاس
واخذ من الابيات سجّـه مـع الـروح=
في معزلً مافيه مـا يزعـج الـراس
هذي ثمان سنيـن والقلـب مجـروح=
والفكـر شـارد والمعاليـق يـبّـاس
ويفوح في صدري همومٍ كمـا فـوح=
صفر الدلال اللي لها النـاس جـلاس
امشي علـى درب المقاديـر وانـوح=
ويهيض وجداني ليـا هـبّ نسنـاس
سبة ظروفٍ تجهـد الحـال وتـروح=
وتترك مواجعها على القلـب حـراس
تعبت وانا اشيـل والوقـت مشفـوح=
يطوي سنيني دون رحمه ولا احساس
كني غريقٍ شاف موته على لـوح =
تلعب به الامواج مـا صابـه اليـاس
ابني مـن الاحـلام بنيـان وصـروح=
احلام ورديه غـدت مالهـا سـاس
واطرد سراب الـلال واخيلهـا دوح=
مثل الذي فالدهـر للسيـل عسّـاس
وازيف الفرحـه سواليـف وامـزوح=
وامنّي الخاطر بـلا بـاس.. لا بـاس
تدري وش اللي يقهر القلب والروح =
انك تعيش العمـر محتـاج للنـاس