سر يا قلم واكتب بيوتـن جزايـل=للي غلاه بداخل القلـب يسـوى


قله يطول الوقـت والحـظ مايـل=والنفس ما عادت على الضيم تقوى


والراس شيب من عظيـم الهوايـل=وتليمت فالقلـب تسعيـن بلـوى


بأسباب من خلى نجـوم القوايـل=تشوفها عينـي وبالشـوف تـروى


لا هيب من شمر ولا بنـت وايـل=ولاهي من اللي في الحوية وعـروى


ذيك الهنوف اللي زهتهـا الجدايـل=بنت العريب اللي من شيوخ علوى


الزين ياخذ مـن حلاهـا دلايـل=ويعطي نجاح وبنت عجرم ونجـوى


ويـزود منـه يارفيقـي قـلايـل=نهديه غاده مـع بشايـر وغـزوى


واليوم أنـا بنصـاك لـوك بحايـل=واباخذ علومك قبـل لا آتقهـوى


وبانشدك ما دامـه الشـك زايـل=وابي النصيحه وان حصل منك فتوى


وش حيلتي باللي زهتهـا الجدايـل=دام الجديل الليل في بنت علـوى؟؟