عذلت الخفوق وقلت ماتترك الهوى =سفهني ودبر والعقل منه فاقده


جلست اتفكر فيه وفي كل ماجرى = وفي كيف يهجرني وينسى عوايده


يداعب نسيم العشق ولا همه الورى= ولاهمته نفسٍ بلا حس راكده


رماني في بحر العشق ولا يسمع الندا =ولا يسمع الهرجه وروحٍ تناشده


تركني ودمع العين من لوعته شكى = والآلام في نفسي كثيره وزايده


بغيته يطيع الشور ولايلحقه أذى =عصاني وقال انتي عنيده وكايده


قلت الجروح الماضيه يشهد لها الملا = ولا انت ماتنفع ولا فيك فايده


نظرني وفي نظرته براكين من اسى=وقال الجروح في كل الاحوال وارده