ياوجودي كل ما اذكرك ياظبي العدام = اتوجد وجد ماله مع العالم شبيه
ليت قلبي مايعرف الموده والهيام = وليت عقلي قبل اعرفه مثل عقل السفيه
وش جنيت من الموده وسكرات الغرام = وش جنيت من المحبه سوى مالا ابيه
كل ماقلت البخت زارني والحظ قام = قال حظي لا تعّجل على شيٍِ تبيه
يادبي العز مني لسكانك سلام = هل المعروف والجود والعلم الوجيه
لي حبيب يغار من نظرته بدر التمام = انتحى عني لكم والمقادير اتحديه
علموه اني بعد حبه اعلنت الصيام = وعلموه اني على درب ذكراه احتريه
وعلموه اني ليا اشتقت له زرت المنام = دام شوفه صعب يمكن ليا نمت التقيه
وعلمو قلبه ترى ذبحة المسلم حرام = وعلموه اني الى الآن تحت أمرت يديه
وعلموه اني اسير النواعس واللثام = وعلموه بحالتي ياعساي اطري عليه
وعلموه اني هجرة المجالس والكلام = وعلموه اني بروحي ومالي افتديه
يا هل دبي الله انه لا يلحقني ملام = اشهد ان الصد ذوّب خفوقِ ذاب فيه
وان نساني بعد ذيك المواثيق العظام = الله يسامح خفوقه ويرحم والديه
ويا هل دبي الوصيه هي مسك الختام = بلغوووه اني على درب ذكراه احتريه

عبدالرحمن بن عمير ..
\
/
حضور .. لا يشابه الا .. ( النــور ) ..
\
علموه اني بعد حبه اعلنـت الصيـام
وعلموه اني على درب ذكراه احتريـه
وعلموه اني ليا اشتقت له زرت المنام
دام شوفه صعب يمكن ليا نمت التقيـه
( ياااااااااااااااااااااااه .. يا عبدالرحمن ) .. !!
( كم أنت .. عذب ) ... !!!
/
أضفت الى كل ( خلاياي ) .. الورد ..
\
صح لساااانك حتى ترضى .. ولاهنت ..
/
دمت بهذا ( الصخب العاطفي ) .. والعذوبه ..
ودام تواصلك ..
\
أجمل تحاااياااي .. لك ..