ياخوي والله من رحيلك فقدناك = ياخوي حزنت المسا في رحيلك
ياخوي والله لو تراخيت لأدناك = حنا سنايد عزوتك في عسيرك
ياخوي اطلب هالعزيز اللي يرعاك = ينجيك من وبل المرض في حسيرك
ياحمود عقبك نطلب الله يزهاك = ونشوف ضحكة صالحٍ في مسيرك
ومنها وفا ياحمود تبقى حلاياك = والحاصل اللي جاك يرجع دريرك
والنوف والله ماتزاهى بفرقاك = وحتى الصغير اللي يوازي صغيرك
والدحمي اللي لاتواسيت بشفاك = نشوفهم ياحمود شالوا سريرك
وحطوك في مجلس له الطيب مركاك = وتهلي باللي جاك واللي طريلك
ومن عقب واشنطن بها دير مشفاك = تنور اراضي حايلٍ في حضيرك
ياحمود والله ماتهنيت لولاك = واللي سماني بإسمي ببقى اسيرك
ياحمود نبغى قهوتن لاعدمناك = نبغاهـ من يمناك وربي يسيرك
ياحمود عزوزٍ طلب كف يمناك = يبفا يسايرك بحكي هو عشيرك
ياحمود قرة عيننا حين ملفاك = ونشوفك بعفوٍ وتنسى سهيرك
ياحمود والله ماتعزويت برضاك = ولا ترا ياحمود ربي يجيرك
وش موقفي ياحمود وانا اترجاك = تؤمن بربك خالقك في ضريرك
ياحمود والله من رحيلك فقدناك = ياحمود حزنت المسا في رحيلك