ياوائل أسمع عمك اللي ربحتـه = عمً عظيم إن كان شعري شرحته

وليا غدى هرج الرخـوم بقفانـا = خله ترى مقدار عمـك لمحتـه

بين النجـوم اللأمعـه يابناخـي = عالي وكل اللي حكو فيـه تحتـه

فارس ولي فالحرب وسم وبطوله = ياكم شيـخٍ فالمعـارك نطحتـه

شاعر على لحن المعاني اغنـي = والبيت يطلع لو أنا مـا طرحتـه

رسام وارسم كل شـيٍ أشوفـه = حتى الجبل ماقال عنـي بنحتـه

معروف عندي جماهيـر تبغـى = من القصايد ماهويـت ومدحتـه

في نجد عندي للمراجـل بيـارق = ويم الحجاز البحر الاحمر سبحته

فاهم ولي فالفهـم علـمً تعـدى = ناسً كثيـره فالعلـوم وشقحتـه

الله مصخر كـل الامجـاد لجلـي = ودرب المعزه عن شمالي سدحته

اوفى صديق ومعدني دايم اصلـي = ياكم صديقً خاننـي مافضحتـه

وياكم خلٍ في زمانـي جرحنـي = جار الزمان وجابـه وماجرحتـه

طيب وطيبـي جرنـي للعلالـي = واحساس قلبي للحبايـب منحتـه

اقف مع المظلوم دايـم نضامـي = وان سال دمع الظلم بيدي مسحته

ياوائـل اسمـع جملـةً ماتغيـر = مني وانا عمـك اللـي ربحتـه

بين النجـوم اللامعـه يابناخـي = عالي ... وكل اللي حكو فيه تحته