يمه يايمه يايمه يمه يايمه يايمه = من ثلاث حروف كلمة تحمل الشي الكثير
المحبه والموده مع حنان فيه رحمه = هي دفانا في شتانا وظلنا وقت الهجير
القصايد والسوالف ماتعبر وصف كلمه = والحروف الأبجدية تنتهي فيها وتحير
يا حلات الدنيا فيها كل شي يحلو طعمه = حتى مر الهم فينا بسمها حالي يصير
يوووه لاناديت يمه كل عطر الكون اشمه = مسك عنبر عود ورد ازهارها تنثرعبير
والله يالبيه منها من خفوقي تشل همه = تزرع البسمه على جالي ولو همي غدير
اوكسجيني شوف عيني قوت ماء للقلب دمه = قلبها من حبها لي كني معها به خشير
في ظلام الهم تشرق في شفاها شمس بسمه = تهدي فرحي من نظرها لا يجي لحظه ضرير
في غيابي تنتظرني عيونها طيفي تضمه = بس تدعي لي تسمي كنني الطفل الصغير
الله لايخلينا منها نعمة والله نعمه = من فقدها عزتي له كنه الطير الكسير
ياء وميم وهاء حروفٍ للملا صارت مهمه = قدرها الأديان عظمته غدا فرضٍ كبير
تسعة شهور الضنى في رحمها ثقلٍ يزمه = موتها عند الولادة تلمحه والله الستير
كل منا في مهاده ممه اول نطق فمه = وريقنا الأول حليب الود ياغذانا الوفير
سبع حجاتٍ على اكتافك جزاها ماتتمه = قالها مبعوث ربي المصطفى النبي البشير
وش بعدها الجنه تحت اقدامهن أمر ياعظمه = ربي يحفظهن ويرحمهن ويجزاهن بخير

أوافقك الرأي .. مشعل ..
\
ليس هناك ( عيد ) ..
أجمل .. وأكثر دفئااا .. من ( الأم ) ..
\
اسأل الله ان يجزيك بالخير ويثيبك ..
على هذه ( القصيدة ) الطاااهرهـ ..
ويقر عين والديك .. بك ..
ويثلج قلوبهم .. بــ ( برّك ) لهمااا ..
/
صح لسااانك حتى ترضى .. ولاهنت
\
تحااياااي الأجمل .. لــ ( قلبك ) ...