السلام عليكم ورحمة الله وبركاته

اعزائى اعضاء هذا المنتدى

هذة مشاركتى الأولى اتمنى ان تعجبكم


وتلاقى استحسانكم ودمتم بخير

مدري متي !.. وياكثر ماقلت مدري=وعمري معه عامين فوق الثلاثين
دورت حل يكون مقنع وجذري=عن كثر قوله هاه طيب وبعدين!!
قلت ارتحل عن كل الاحباب بدري=وارتاح من درب الهوي والمحبين
وبساعه جهزت جرحي وعذري=ان الهوي ماعادبه ناس وافين
جيتي وجددتي جروحي بصدري=واسهرت لك كلمه وفكره وتخمين
وشلون مادري كيف ادري ولادري=اسأل واجاوب ليه واخرتهاوين؟
صرتي وطن بحدوده اعرفت قدري=صرتي مسافات الغلا والعناوين
صرتي مسا واحلا عباره بعمري=صرتي فراشه صبح باحلي بساتين
من صمتك اطلقت المعاني لشعري=وفي صمتك اذني تسمعك وش تقولين!!
اقراك بواصالك واذا غبت مقري=بس ليتني القا لصمتك براهين
اكبر سؤال احس عنده بصغري=الي متي انا وشوقي مساكين؟
ابغي جوابك وان حصل جاك شكري=وان ماحصل خلي جوابه معك دين
معك معك حتي وانا وسط قبري=والا عبر رساله (إم إس) تكفين
ايه اضحكي شاعر بحبك يهذري=من شان باللي داخله بس تدرين
وان كان فيه انسان يغليك كثري=امسامحك لوعن حياتي تقفين
كانه خذاك بحضن تلقين عطري=شمي وفاه ومن حنانه تنامين
وخلي سؤالي يندفن وسط صدري=ماله إجابه من هك الوقت للحين !!