ياشايبي جيتك وفي النفس ضيقه = تطلع مع زفرات صدري وتنزل



كن في الخواطر من سببها حريقه = وأصبح لها بين المحاديب منزل



من يومها عالت علي الطريقه = وأتبعت زلاتي عقب حجتي زل



رحت اليمن ثم للكويت الشقيقه = أبحث عن دوا للحشا يوم هزل



والقلب ودي له بشين يفيقه = لأنه من دروب الوناسات عزل



وصدري يذور المستمع من شهيقه = وأقسم بربي ما قدرت آتغزل



والليل لادلهم قصيدي يريقه = ويحرك أجمل ما أحتويته من أجزل



أجزل قصيدن يلتمس للحقيقه = يلتف في زوري مثل لف مغزل



ينساب بين الثانيه والدقيقه = مرات محكمها ومرن بها زل



جيتك محبن والغلا ما يعيقه = بعدي ولو حليت في حي برزل



جيتك حزين وداخل النفس ضيقه = ودي بدعوه طيبه منك تنزل



ياشايبي عالت علي الطريقه = والقلب من درب الوناسات عزل







وسلامتكم





راشد اليامي

صح لســـــــــــــــــــآنك على هذه الرااائعه ,,

جنّــــــــــــــة أوركيد اهديها لهذا القلب الذي يزخر بتلك المشاعر الصادقه المرهفه

قلت فأحسنت القول ,,

تقبل مروري الخجووول ,,

دمت بود ,,