المشكله .. ماهي بطول المسافـه=ولا هي بغربـة مالهـا أي ذمـه
المشكله .. والمعظله .. والحسافه=إنـي إذا سافـرت ماقـول يمـه
هذا هو احساس العنـا والكلافـه=من يجمع شتاتـه ومنهـو يلمـه
إلا يـديـن(ن) كلبـوهـن ولافــه=لو طوقنّي بعـت كلّـي .. بهمـه
والله لبلـل صـدر كلـه لطـافـه=اسقاني احساسه .. ونبضه.. ودمه
ماجيت له فـي هـم إلا وضافـه=يصبر على همـي بياسـه وغمّـه
من فيه مثله من يشابـه عفافـه=من يشتري شكواي وتصير همـه؟
من سكّن جروحي بعطف ومرافـه=من يهدي الحب ألف ضمه وضمه؟
لكن متى ؟! هذا هو اللـي أخافـه=لو غربتي طالـت ولا قلـت يمـه