السلام عليكم ورحمة الله وبركاته



أسعد الله مسائكم ... صباحكم

بالخير والرضـــوان ..

بدايه أخواني ...

هذه القصيدة كتبت في احدى الفتيات في احد المنتديات .. من منطقة الرياض..
تدعى بأسم .(فرح) وأسمها بالمنتدى (وردة العشاق)..وافتها المنيه جرآء حادث دهس من قبل رجل(سكران) وهي خارجه من الكليـــــة ....!!

اليكم


القصيده بالصووت

بديت بسم الـي خلـق كـل إنسـان=الواحـد الــي كلـنـا عابديـنـه
خالق وآخذ إنس وأيضا أخـذ جـان=ألواحـد المعبـود لـه راجئيـنـه
ياشمعـة العشـاق تبكيـك ألأعيـان=الدمـع لـك ينثـر بحزنـه حنينـه
ألدمع أغرق يافرح مُقـل ألأوجـان=فرقـى لعينـه آه فرقـى حزيـنـه
فرقى تعذب صرح في دنيا ألأحزان=المنتـدى تدمـع حروفـه سكِيـنـه
ياحرف غن ألحزن في وضع حرمان=ياحرف لاتجـزع تـرى ذاخرينـه
نذخر لها حبن عزف لحن ألأشجـان=حبن لها داخل صروحـن حصينـه
ياوردة العشـاق تفـداك الأوطـان=تفـداك روحـي والقلـوب الدفينـه
الحال شاين والشعر بالنظـم شـان=لنـه يشيـل الحـزن شيـل بيدينـه
سكـران يالله تجعلـه دوم سكـران=داخـل جهنـم تجعلـه لـه تهينـه
صادم غلا غالـي ويافـل ريحـان=أحـرم عيونـي شوفتـه بالمدينـه
مرحوم ياوردة طهـورن وغفـران=في جنة المولـى عساكـي سكينـه
البال ياربعي مـن الحـزن مليـان=العين تدمع مـن جروحـن سجينـه
إجروح فقدان الـذي فيـه حيـران=شاء القدر ثم أختصـر لـه سنينـه
أعزي الصرح الذي عـاش فقـدان=أختن لهـم كانـت بضهـر سفينـه
واقول هاذا الدهر خاين ولـو كـان=عايش بأحلـى عيشتـن لـك ثمينـه
والي رحـل ربـي يسكنّـه بجنـان=بجنـان خلـد أوكلـنـا ملتقيـنـه
في جنتن خضر وهالدهـر نسيـان=لابـوك يادهـرن حياتـه غبيـنـه
ياخذ لأغلى شخص منك ولو كـان=روحك بروحه ميتـه مـع رهينـه
يقولها شاعر ومن أصـل مطـران=لاتامـن إلوقتـك سنينـه وحيـنـه

انا لله وانا اليه رااجعـــــــــــــــون ,,

اللهم ثبّتها تحت الارض وارحمها يوم العرض ,,

لا اله الا الله ,,, كل من عليها فــــــــــــــــــــآن ,,