ياكيف حالي وانت ياكيف حالك = وياكيف قلبي يابعد روح روحي
ادخل وخلّ القلب .. ماله ومالك = بس انت عطه شوي من قبل يوحي

جتني وقالت يافهد كيف حالك ؟ = بشرني عن حالك ووش هي علومك
وش صار في قلب(ن) بروحه وفالك = وش فيه جاني يشتكي من ظلومك
قلت بالبدايه .. ياهلابك .. هلابك = وبالثانية .. حالي .. تِسّر معلومك
وقلبي ترا من زود عشقي لجالك = واصبح يلوم الشوق ويرجع يلومك
ويقول اني مهتني في وصالك = وانا لي رابع يوم .. ماأقدر اشوفك
خبري بك هنيا .. جالس لحالك = واثره خيالك .. مع شوية حلومك
ياقلب لاتحزن على اللي جرالك = نوب المحبه سوقها .. مايسومك
الحب من الله لاتناجي بمقالك = والله زرع في قلبي لهفة وصوفك
صرت اتبعك يازين واتبع جمالك = وصرت لظلالك لاصق(ن) مثل ثوبك
موّقع(ن) في درب سوق المهالك = وموقّع(ن) في خانة الحب حولك
والشوق.. اللي واقع(ن) في مجالك = غطى على الاقمار حتى ف نومك
قالت فهد قلت العفو وش طراك ؟ = قالت احبك قلت ياروح روحك
قالت تحبني ؟ قلت مابي سؤالك = أي والله احبك وعطيني علومك
قالت حياتي قلي وشهو منالك ؟ = قلت انتي اخبر فيه وارخي سهومك
عدت وسألت الشوق ياكيف حالك ؟ = قالت حياتي .. ماتساوَىَ بدونك