وش اسوي في حياتي كلها هـم(ن) وغـم=وش اسوي يابشر والناس من حولي تِساقط
آه ياهمي .. وغمي مدغم(ن) باوساط ضم=من بعد بسمة شفاتي صارت همومي تلاقط

ضاق هذا الكون كله وناظرت عيني شمـال=وضاقت الاركان بمتوني وفي صدر الشمالـي
ياهلي هالليل طوله .. طوّل ينادي ب تعـال=وان لفيته لمّني بحزنه .. وفـي عِسـر الليالـي
آه ياوقت قضيته (بطيب حظ) و(طيب فال)=وآه من حظ (ن) تعثر في مجال الكون خالـي
ياسعد حالي تكدر وصاحب المـوال شـال=وطوّح بصوته يردد ( لا لي لا لي لا لي لالي )
وقلبي يرقص منجرح متهادي(ن) يم المحـال=كنه الطير يتراقص منحـدر تحـت الجبالـي
صابـه القنـاص وارداه بفتيلـه بإنفعـال=ولادري وين يتهادي هذا حالي .. هذا حالي
وجد قلبي وجد من طوّح .. بيـوم القتـال=وهو ينادي لابته .. صابته سهـوم القتالـي
اكبر اخوانه ينادي ذا عزيـز القـوم مـال=يلفظ أنفاس(ن) أخيرهـ.. في حياته والوصالي
آه ياكبر المصيبـه … ايتمـت ام العيـال=والولد يصرخ بصوته ياهلـي يـاراس مالـي
هذا قلبي مثل حاله يومـه يطـش العقـال=بحضن من لبى لقومه لـو تداعـت للمعالـي
قلبي المنساق وينه .. لا . لا يآخـذ مجـال=اتركوه يموت وحده .. منجرح والدم سالـي
والشمالي مابقى له مـن جهاتـه اي شمـال=مابقى له كود من عسـر الليالـي هالليالـي