حالتي ما بين خير وبين شر = وإن بغيت الجد يابن الناس ماش

الهموم تزورني كثر البشر = وآتلحّف ضيق وأحزاني فراش

صاحبك لا لا تلومه لو دشر = طاش عقله يوم شاف الريم طاش

النهد مزموم والردف انحشر = ولا لقاها غير ورديّ القماش

والشعر لا فلته ثمّ انتشر = لعنبوا شيطانها جابتك كاش

وتوها ما كمّلت تسعة عشر = توّها للحين في عمر الفراش

أشهد إن الموت الأحمر والقشر = منّها ما هوب من طلقة كلاش

يالله الغفران في يوم الحشر = وفي حياتي طالبك حسن المعاش

ولا تلوم السبع الاربع لو دشر = قلتلك يابن الحلال الحال ماش