عزالله إن كثر الهجوس اللي لفت ماقصرت = والنفس ضاعت بين ناب المخطيات ونابها



أضحت على القلب المعنا لين بالقو إعصرت = نفسي وأنا ماعاد أطيق إن كثروا بعتابها



ياصاحبي وش قوم عينك يوم جينا ما أبصرت = ولا الخظوظ إن استوت ما تستوي لأشنابها



وتيك اليدين الجاحده عن بيت طيبي قصرت = وأنا قسمت أوفى القسوم الوافيه لأحبابها



وأنت تعرف مانيب ممن للنذلات إحصرت = كل الدروب الي لها قفلت عندي بابها



وكبر الذنوب اللي كسبت من المزاجات إمصرت = جاش الكريم اللي حسب للمقبلات إحسابها



يالله يامرسل جنودن للقريبين إنصرت = في غزوة الأحزاب غطت سهلها وهضابها



تبعد من أطراف الحشا ما تحزنه لين إهصرت = من يوم عالوا عن دواها بالوصوف أطبابها



أضحت على القلب المعنا لين بالقو إعصرت = ونفسي وربي ما خفاه اللي من أول صابها



وعز الله إن كثر الهجوس اللي لفت ما قصرت = والنفس ضاعت بين ناب المخطيات ونابها







وسلامتكم





راشد اليامي