قالو تونين قلت من جارف(ن) لاع
وسط الحشا اشعر بمليون عله

ضاع الفرح من مهجتي والهنا ضاع
امر(ن) عظيم وشي(ن) يجي بجله

ماهو اعتراض لقدر ربي ولا طماع
لاكن فراق الغالي الي استله

الموت ياهو الموت يشين الوجاع
قلبي بعد موته حياتي ممله


يالله طلبتك خافقي حيل ملتاع
على خفوق(ن) من الغلا له يزله

الي عليه العين تعطي بلاصاع
بدون كيل الدمع يهمل تهله

يوه الحزن خيم على ساير القاع
ولون الكئابه حافها وسط ظله

يالله تجبر بالعزى كل مرتاع
من فارق الغالي وهو تايقآ له

وامه عسى لها الصبر دون الجزاع
ويقر عين الوالده برحمت(ن) له

يالله لطفك يولي كل من طاع
وأدا فروظك ياولي غافرله

ارحم فقيد(ن) يالولي طايل الباع
واجزه بجناتك سكن دايم(ن) له

الي عليه اهل دمعي ومرتاع
انت الي بقاله في رحله وحله

اللهـ يرحمه ويسكنه فسيح جناته ,,,