لأجل عينك صغت هالعالم خيال=وبخفوقي مالحبي لك مثيــل
..
والهوى اللي تل قلبي من شمال=انغرس في خافقي غرس النخيل
..
والجنون اللي بصدر الحب جال=بعثر الدمعة على خد الرحيـل.
..
والشعر والشوق وأنواع الدلال=والهيـام اللي غدا ظل ظليـل
..
أشعلت جمر الغلا بروس الجبال=وطوعت لي كل صعب ومستحيل
..
كل حرف(ن) من مزون العشق سال=وكل شعر(ن) ينظم بحقك قليل
..
المجالس واصلت حد الكمال=في ثلاث سنين هاضت بالجميل
..
التميز .. والتألق .. والجمال=ميزّت مجالس الإبداع حيل
..
من القوافي للخواطر للهبال=والحوار العام كله لك يهيل
..
وساحة الإسرة تعطيني مجال=حتى كل مكرر(ن) له من يشيل
..
ياسلام الله عليكم .. يالرجـال=ياهل التفكير والحمل الثقيل
..
لو رحل بي هالغلا بدرب المحال=بصرخ بصوتي: عسى حظي يميل
..
ياعذابي لا دنـا ليلي وطـال=وصار حظي يشبه لكف البخيل
..
باسألك سلطان ويصفعني السؤال=وبحتمل من صفعته حمل(ن) ثقيل
..
هو بقى .. من التميز أيـ مجال؟؟=السكوت يعذب القلب العليـل
..
اشهد انك يالمجالس راس مال=والغلا لك شامخ (ن) حر(ن) اصيل
..
خذ خفوقي خذني كلي بس تعال=وشهو الدومين من قبل الرحيل