ما لقيت اللي علـى كيفـي وودَي=ولا لقاني مـن عطانـي كـل ودّه
كل شيٍ في وصالك صـار ضـدّي=يوم انا كلّي فراقك صـرت ضـدّه
ماعتقد أحـدٍ يحبـك حـب قـدّي=و ان عشقت انسان من بالناس قدّه
بك ملامـح كلهـا طيـورٍ تهـدّي=من تصبه راح يـوم الهـم هـدّه
في بحر حبك عطيتـك كـل مـدّي=وجزرك الواضح تكرم بـه ومـدّه
فيك كلك وش أقـول ووش ابـدّي=قلي اللـي تستحـي منـه وبـدّه
مـا كسبتـك بالتمنـي والتحـدّي=يوم عيّا الشوق يلزم فيـك حـدّه
كيف لو صافحتني ولمست يـدّي؟=غير أقول الموت كلـه مـد يـدّه
عدها00يا كثر ما تخطي واعـدّي=لو احسب اللي عليك أخطي بعـدّه
بس انا ما ادور الزلـه وأصـدّي=ولا اسأل اللي صد عن اسباب صدّه
خايف استرسل وابيح بكل سـدّي=كلمه00ومن بعدها هالبـاب سـدّه
الغلا اللي مـا يجيـب ولا يـودّي=يـم سلـة مهمـلات الوقـت ودّه

ولكم كل ودي واحترامي

أخوكم / فيصل السهــو