متى السفر يانور عيني على الله = ودي قبل ماتروح ألحق أودّعك
ولاتلومني لو دمع عيني اهلّه = تقول في صمتك " بسافر " وانا اسمعك

باغتتني بالرحيل.. وسافرت يمّ الكويت = وأبتدى شي(ن) بقلبي.. ماحسبتْ لّه حْساب
وأرسل الموجات حِسّي../ في عروقي وانتشيت = وقْبسَت ثورة مشاعر../ وأنفتح باب العذاب
كيف راحت../ ليه راحت؟؟ ياعسى وياليت ليت = وانسكب ليل القصايد.. والسؤال ابّلا جواب
جَمّع.. الآمال فكري../ وأبتديته وانتهيت = ورحت راجع للبدايه../ وانهمل دمع الغياب
مابكيت.. الا.. غيابه../ ماخذيت الا عطيت = ولا لفيت الا بْشوقي.. جيت كلّي بإنسكاب
مرّني طيفه بْحلمي../ واحتظنته وأرتويت = واجْبرت عثرة زماني../ وألمست جرحي وطاب
موقد(ن) شمعي بقلبي.. شايل(ن) عمري وجيت = ودمّ قلبي في وريدي../ اشتعل لهفهْ وذاب
وهاجس الأشواق فيني../ حرّمت عينه مبيت = ساهر(ن) والليلْ أسدْل../ جوّ دمعة وأكتئاب
وصرت أسئل ياحنينه../ هوْ كذا يعني نسيت؟ = والا أنا اساير خيالي../ في خطأ والا صواب؟
وقتها.. حسيت أنّي../ متعب(ن) نفسي ؛ وشقيت = وكل ماقلت: النهايه../ ألتوى حظي وجاب
بس عرفت انّي وحالي../ أتبعه حتى غَويت = ظامي(ن) قلبي مشاعر../ تشربه عيني سراب
ولا لمحت بروق مزنْه../ قمت أخايلها وسريت = وأرسمه عشق(ن) مصنّع../ وأعشقه حدّ السحاب

اصارع الاشواق وأشتاق وأشتاق = والطيف وين اروح باقي معايه
وأكتب لها وينك صدر الأوراق = هذي سواليف الهوى والحكايه