اخواني اخواتي رواد هذا المنتدى الرائع

والذي يشرفني بأن اكون احد اعضائه


يسرني ان اقدم لكم قصيدة (عزمت الرحيل )


وهي اهداء للجميع اولاً .. وخصوصاً الاخ الغالي السبع الاربع

رحلت عن أهلي وانا دمعي على خدي يسيل = والكل عارف ليه انا ماشي وغيري مامشا
ويلاه ياجرح الزمن ويلاه يالحمل الثقيل = ويلاه ياظلمٍ (ن) على دنياي وايامي فشا
مايكفي اني قد رحلت بظلمة الليل الطويل = نسيتو اني قبلها طفلٍ(ن) على حزنه نشا
كذا العدل ياهل العدل من دون توضيح ودليل = تكذبون عيالكم وتصدقون اللي وشا
اكيد يرحمني اذا جاورت بالهم القتيل = من شافني ميت يقول صحيح مات اللي اختشا
يابوي سامحني ترى منجوبك الشهم الفضيل = في ذمة الله للسحر مادام صليت العشا
ماهمني غيرك وانا خلاص عزمت الرحيل = سلام ياهلي وديرتي سلام ياواد الرشا

وسلامتكم

واد الرشا: منطقة تحوي مجموعة مراكز وهجر شمال غرب الرياض لقبيلة ( عتيبه )

الله الله يا بو سعد ,,

قصيدة مميزة وما عاقتك صعوبة القاف ,, ما شاء الله تبارك اللهـ ,,




على هالقصيدة العذبة ,, ولا هنت يالغالي ,,

ومشكور على إهدائك ,, وهذا يدل على طيبكـ وطيب أصلكـ ,,

مرة أخرى صح لسانك ولا هنت يالغالي ,,

والقصيدة ما عليها كلام ,,




وتثبت ,,