(مصيبه لا تصابا ياس عمري والأمل بك شاب = مصيبه لاتوسدت الثقه والنفس مرتابه )

عليك أدموع عيني لو تغيب تغرق الأهداب = ولا يلام مثلي لو يبين الدمع بأهدابه



شجاع إي والله إني خابرن نفسي إلا من ذاب = مع مسرا صهيل أخيولها في الليل شبابه



إلا من شفت براق القواطع مقبله ما أهاب = لعينك نطعن الي حال دون الوصل بحرابه



ولكني مثل مجنون ليلى خاطري منصاب = وشوفك يامناة المهتوي والوصل نحيا به



مع العامين عامينن مضت ياحبي الي غاب = عن إعيوني وأنا مقدر على بعده وعذرابه



جمعنا الوقت صدفه ياحياتي بين ناب وناب = جمعنا وقتنا الي نعشقه ونزيد نهوى به



أحبك من صميمي يا غناتي ماني بكذاب = أحبك نعبا جد البخيل وشح مشرابه



ذبحتيني بسلهام العيون الي لها ينساب = قصيدي من وسط جوفن لذيذ الشعر يشقا به



بدون أنقاب تذبح والجهر لامن لبست إنقاب = يذوب الخاطر الي ما أنعسف لرضاك لأطبابه



وشعرن كنه ليلن سرمدي لامن جمعه إقطاب = على كتفك يسيل إن أنقطع من زينه إقطابه



وحاجب والخشم والفم وقدمن مثل راس الداب = وطبعن بين سكان القرى باللطف تزها به



احبه ويش اسوي ياهلي لو جنب راسي شاب = ومن زوود المحبه والغرام امووت بثيابه


و لو في اليل متألم وشاهدت الثريا طاب = ضميرن بين طياته صدوق الحب لأحبابه



وأنا شيخن من شيوخن مضت لو تطلبين أنساب = لنا قصرن تعلا خايف الجنبين يذرابه



على وقت الجهل في ما مضى ما صك شرقه باب = جمع في حرب نجران القديمه رووس شيابه



وأنا واليل والمسرا وسيفي والذلول أصحاب = وحب الشياب الي ما نسيت إرضاه وكتابه



ومحماسي وبنن يرفع إحجاجي إلا من راب = وسط روضن تمايل كسووره في نايف إهضابه



بعد غب المطر يجتاحها طير القطا بأسراب = يرووعه لأجتمع وسط السهل في اليل حطابه



وجودي كل ما شق الغياهب من جنوب إشهاب = على ولما وليفن نقشت كفيه بخضابه


عليك أدموع عيني لو تغيب أتغرق الأهداب = ولا يلام مثلي لو يبين الدمع بأهدابه


ولو شاب الأمل فيني ترى فيك الأمل ما شاب = ونفسي راسيه من صوبكم ماهيب مرتابه


ــــــــــــــــــــــــــــــــــــــــــــــــــ ـــــــــــــــــــــــــ



وسلامتكم






راشد اليامي

وأنا واليل والمسرا وسيفي والذلـول أصحـاب=وحب الشياب الي ما نسيـت إرضـاه وكتابـه
ومحماسي وبنن يرفـع إحجاجـي إلا مـن راب=وسط روضن تمايل كسووره في نايف إهضابـه
بعد غب المطر يجتاحها طيـر القطـا بأسـراب=يرووعه لأجتمع وسط السهل في اليـل حطابـه
وجودي كل ما شق الغياهب من جنوب إشهـاب=علـى ولمـا وليفـن نقشـت كفيـه بخضابـه