يمه ابي يمه ابـي يمـه أحتـاج=حتي وانـا فـوق الثلاثيـن يمـه
مالي من هموم الزمن اي مخراج=الاحنان(ن) ضمني قبـل اضمـه
قدام غيرك هامتي طول الابـراج=وعندك مثل طفلـن تعبـث بكمـه
اشكي واقول اللي اريده بلااحراج=انثرعناي وعـارف اللـي تلمـه
ياماشعلتي قلبـك بليلـي سـراج=يدعي فراش الهم وانـروح يمـه
تهدين بعـد الله مفاتيـح الافـراج=لوالثمـن قلبـك بنبضـه ودمـه
يامسويه من صبرك لراسي التاج=يااولـي! يـااخـري! يالمهـمـه
ياجعل رجلينك من الله لهاعـلاج=وعساه يسر(ن)بعد عسر ومغمـه
وعسي خطاك توصلك كل منهـاج=نشيطه وتمشين فـي كـل همـه
يارب ياللي بامرك اسرا ومعراج=يامرسـل محمـد بدينـك وتمـه
يوم الاعرابي جاه يسأل بلا احراج=واوصاه ثم اوصاة واوصاه بامـه
انك تصبر كل من كـان محتـاج=عـزاااه بالدنيـا لويقـول يـمـه