أحياء نرزق لكن شعورنـا مـات=مات الشعـور وللملـذات حييـن

ونبغى نحرر قدسنـا بالشعـارات=واللي حصل بغداد تلحق فلسطين !!

وحنّا نحسّب كم تعداد الأموات=ألفين / خمسه / لين راحت ملايين

وهذي فلاحتنا على جمع الاصوات=بعقولنا خفـّه وحنا مولّين

في شاطي الراحه وفي شاشة الشات=وفْ. ستار اكاديمي وصوت المغنين

يذوب واحدنا بصوت البنيّاات=ويقول متعذب بنار المحبين

وحال العرب صوته من الجرح ونّات=ومدامع ٍ يبكي لها القلب ويشين

ومناظر ٍ فكّت عن الستر عورات=ومساجد ٍ تهدم وحنّا مساجين

خلاص ياحال العرب راح مافات=لازم نوحّد صف للغرب ويلين

فزعة عرب ماهيب فزعة حكايات=نفزع على صوت المواجع ملبين

ونبدّل ادموع اليتاما مسرّااات=والحق يظهر من بعد حين ويبين

ويالله تنصرنا بدين ٍ ورايات=وتعود عزّتنا بعودة فلسطين