لـي الفخـر لاقلـت أرضــي سعـوديـة = دار أبو متعـب رمـز الكـرم والشهامـه
كلها خيـر ساقهـا الرحمـن للعالـم هديـه = وحدها عبد العزيز ودخلهـا رافـع الهامـه
رمزها سيفين .. تحت نخلـة عطـا أجوديـه = حدودها من الخليـج وقبـل البحـر تهامـه
بشمالها طويق وبالجنوب الحـدود اليمنيـه = أرضي أرض الخيـر والصـلاه فيهـا مقامـه
أبونـا عبـد الله رمـز العلـوم الحقيقـيـه = زاده المولـى علـم وايـمـان واستقـامـه
وماهو منا اللـي علومـه منحرفـه و رِدِيَّـه = يقول اصلاح !! وشلون يصلح وعلى عينه غمامه
أطهر بقاع الأرض موجـوده فيهـا .. هنيَّـا = قبلة الإسلام ومدينة نبـي ساعدتـه حمامـه
منهاجها التوحيد وكتـاب الله وسنـة نبيـه = نبي أخلـص لربـه ودينـه ونفَّـذ مهامَّـه
وأنـا أفتخـر لاقـلـت أمــي سعـوديـه = وأبوي اللـي مـن أغلـى وديـان تهامـه
ومليكي عبـد الله وسلطـان يمنـاه ووليـه = وسلمـان اللـي زاد رياضنـا عـز وفخامـه
وعبد المجيد أمير مكه وعروسنـا الغربيـه = وأميرنا بالشرق محمد ولـد فهـد النشامـا
وأولاد فيصل بعسيـر والمنطقـه الجنوبيـه = وبالشمال أميرنـا عبـد الله عـارف مقامـه
ولاة عـز الوطـن لهـم اراده حديـديـه = زاد ربي هالوطن تطور وابـداع و ضخامـه
لـي الفـخـر لا قـلـت أنــا سعـوديـه = بنت الحروب .. كلهم كـرم وعـز وشهامـه

اهداء مني الى كل سعودي وسعوديه في كل أنحاء العالم

بقلمي : همسة وفا
17-9-2006


هذي القصيده كتبتها قبل اليوم الوطني اللي فات أيام الأمير عبد المجيد الله يرحمه يارب كان موجود ونعم الأمير

وهالقصيده اختارتها معلمة أختي في مدارس المملكه والقتها في أحد احتفالاتهم ،،

أتمنى أن تحوز على رضاكم ،،

دمتمـ بمحبهـ