كلها يومين وآزور الكويت = الديار اللي ملكني ودّها

ديرة رجالٍ لهم بالمجد صيت = والفعول البيض وردوا عدّها

والله إني يوم للسفرة نويت = بيّحت صدق المشاعر سدّها

وأقبلن في خاطري سبعين بيت = وأقبل بْيوت وبيوت آردّها

وا وجودي بين عل وبين ليت = يوم اشوف الدمع يجرح خدّها

طفلةٍ تجهل سلوم الاتيكيت = وأشقر المجدول ذاب بـ يدّها

فالحقيقة قدْم عيني وان غفيت = شفتها بالحلم يرحم جدّها

ليتني من ريقها العذب ارتويت = وليتني ضميت فارع قدّها

وجْد منهو ما تهنّى بالمبيت = والهموم السود عجْز يصدّها

واهنيّك بالحلا يا ارض الكويت = باللعوب اللي ملكني ودّها

وكان توّي ما بعد للدار جيت = والله إن القلب واصل حدّها