اعزائى اعضاء هذا المنتدى

لن اتحدث عن غيابي عنكم تلك الفتره فقصيدتى سوف تتكلم بلسان حالى

مع تمنياتى للجميع بدوام الصحة والعافية

الله الله يرحم ابوى عزى وسندي= كثر ماكبر وهلل وحي للصلاة
كثر ماحجو لبيته واهدوا له هدي= مسلمين وقصدهم رحمة الفرد الآله
كثر ماعينى تعيد بهذاك المشهدى = شاشته باب العناية وابوى اللى وراه
ماقدرت اصبر نحى الله صبرى وجلدى=يوم غطو وجهه وقال دكتوره وفاااه
قلت يالنفس الزكيه الى الله اصعدى =دام هذا حكم رب السموات وقضاه
وانسحبت اجر اذيال حزني ولهدى= ادعى الله ياكريم ارحمه واحسن جزاه
ياعيونٍ دمعها سال ...لالاتصمدي=خلي دموعك تريح خفوفى من عناة
لييه مابكى دام كلمة يبه ماتنهدى!!!= منهو اللى غير ابوي ان سمعها قال هاة
يايبه منهو اليا غبت جلاب سعدى= منهو اللي قبل لابرد يلحفنى غطاه
يايبه منهو اليا جيتله قال ولدي=منهو اللي لا طلبته غمرنى في عطاة
فوق قبره واقف اقول يا قبر بعدي =لين غطت اخر اطراف رجليه الصفاه
في يديني طين بللته بدمع نكدي =سارح ادعيله وطيني خذاة اللي خذاه
بعدها قمت ادفن القبر معهم في يدى =لين ثبتنا النواصيب والدمع بثراه
ويوم جيت نخيلته قلت مخلوف جهدي= يوم عدلتك وان ارجي رضا الله من رضاه
قلت حضك هالسنه يانخلة بيي ردي= مات من شربت جذورك وضوه قبل ماه
مسجده وانتى وانا وحزننا اللي نرتدي=وكل خطوة تفضح سكونها طقة عصاه
الله يضله بضله بيومٍ يُشهدى=فيه تشهد عينه خشوع والقلب بصلاه