بسم الكريم الواحد النافع الضار =بديت في نظم الجمل والقوافي

نظمتها للي مشوا درب الأخطار=تاطا عليه ولا تهاب وتخافي

اللي ليا من واجهوا لاهب النار =بإذن الولي تصبح براد وعوافي

وإن سالت الشعبان من قو الأمطار=وصارت مثل موج البحار الفيافي

هبّوا جنود وصف ضباطٍ كبار=وتلقى الفعايل ما تشوف ارتجافي

على سلامتنا يبيعون الأعمار =ولجل مصالحنا لهم فعل وافي

وقفاتهم وقفات عبده لسنجار=وأعظم بعد وقفات جند المطافي

ويا ربة المنزل ويا صاحب الدار=التوعية ما دامه الجو صافي

في بيتكم خدام وعيالٍ صغار=ولا أظن يخفاكم من الحال خافي

الرقم هذا هام وابدوا من يْسار =تسع تسع ثمان وآخر مطافي

آقول يالمعبود يالنافع الضار =سدّد وبارك في جهود المطافي