عَمَى الشَّقلوبْ خلَّانا نشوفْ الصورهْ بالمقلوبْ=
ومنْ وِدَّه يراها صَحْ يقفْ ثابتْ على راسهْ=
ولو يُوْقَفْ على راسه تراه الناس بالشقلوب=
ويصبح غير كل الخلق في نَهجهْ ومقياسه=
تكدِّرنا خسارةْ كاسْ أو نادي خرج مغلوب=
وخسارة قدسنا وبغداد نبْقيها على السَّاسة=
سعيد الحظ بالدنيا مغنٍ ينشد المسحوب=
بأوتاره وإيقاعه وغنجٍ يلهب أنفاسه=
ولاعب ما يفك الخط ولا هو في النسب محسوب=
ويملك روز معْ فيلا ويآمر وسْطِ حراسه=
ومنْ يبني عقول الجيل فيهْ من الديون شحوب=
بعدْ ما يقبض الراتب بيومٍ يعلن إفلاسه=
يسدد أجرة المنزل وبنكٍ أتقن الملعوب=
ومويهْ وكهرب وجوال كَسَّر بالغلا راسه=
نجالس فاجر وعاهريغني في هوى المحبوب=
ومن يحفظ كتاب الله يملَّه كل جلاسه=

وطول الآهْ في حفلة أبو نوره هو المطلوب=
ويا شين الإمام اللي يطولها على ناسه=
وصار اللي يقول الحق متهورغليظ أسلوب=
وأبو وجهين متفهمْ وصاحب ذوق وسياسة=
وأبو لحيهْ غبيْ رجعيْ ومتخلف قصير الثوب=
وعصريْ من سَحَبْ ثوبهْ وجَزَّ الدقن بأمواسه=
وصارت حشمة المرأة تخلف والحيا معيوب=
وتتحضر إذا كِشْفَتْ خبايا الجسم ولباسه=
سعودي رابط حزامه قنابلْ نَسْف تحت الثوب=
يجاهد في سبيل الله في أهله وفي ناسه=
عَمَى الشَّقلوبْ خلَّانانا نشوفْ الصورهْ بالمقلوبْ=
ومنْ وِدَّه يراها صَحْ يقفْ ثابتْ على راسهْ=
شعر أخيكم/ جحا