أنحرق لا ذكرتـه عـود فـي مبخـره=رغم إن الوصال أصبح معـه مستحيـل
وكلكـم تعرفـون العـود وأنـا أخبـره=لانحرق مـا يشـح ولا يصيـر ابخيـل
كنت فيـه استـدل بكـل درب أعبـره=كان هـو وجهتـي والبوصلـة والدليـل
كـان حلمـي وغيـري يعجـز يفسـره=لو عطيته كثيـري صـار بيـده قليـل
احتويتـه كمـا أوراق كــوز الــذرة=خفت منه عليه إن راح مـا لـه بديـل
أستلـذ بوصالـه والـفـراق أنـكـره=مثل ما ينكـر العاقـل جحـود النخيـل
ويوم شح الزمان وهالزمن مـا أغبـره=بكل غلطاته اللـي عاقبتهـا رحييييييـل
مـا نسـى رحلتـي والحلـم والتذكـرة=ولا نست غلطته تترك وراها علييييييييل
آتساءل وليـت القـى العـذر واعـذره=لـو يجـاوب سـؤالٍ بالنواظـر نزيـل
ليه لي خاطر(ن) عيـا الزمـن يجبـره=لو بفرحه 00 تخفف هم ياس(ن) طويل
ياحبيب(ن) رغم ما صار أنـا بشكـره=مثل ما يشكر المحتـاج راعـي جميـل
إن ذكرتـه بخـور ولا نسيـت أنثـره=مع نسيم الصباح ليا سـرى كـل ليـل
أنحـرق لا ذكرتـه وأرجـع أتـذكـره=رغم إن الوصال أصبح معه مستحيييييييل

اقتباس ياحبيب(ن) رغم ما صـار أنـا بشكـره مثل ما يشكر المحتـاج راعـي جميـل إن ذكرتـه بخـور ولا نسيـت أنثـره مع نسيم الصباح ليـا سـرى كـل ليـل أنحـرق لا ذكرتـه وأرجـع أتـذكـره رغم إن الوصال أصبح معه مستحيييييييل

صح لسانك يا فيصل .. مصافحة ولا أرروع

حضورك دائماً عذب

كل التقدير