تصـدق
تصدق كلمة احبك وأحبك حيل ما تكفي
أنا ودي بكلمة ما لفظها في ا لبشرغيري
تعبّر لك عن إحساسي تبين منتهى وصفي
تبين لك مـعاناتي مع شوقي وتعبيري
سهرت الليل حتى انه، على صدري ضرب كفي
عشقت المستحيل اللي يعاند كل تفكيري
أصارع بالأمل يأسي وأحط الجرح في صفي
عليك الله وأمان الله ما غيرك بتصــويري
حبيبي يا منى روحي هناي ومنتهى شفي
بخيله في معانيـه ا على شـــوقي و تقديري
ياعقد الماس وسيد الكل . قمر فتان ما توفي
أنا لا قلتــــها لك دائم اتبعــها معـاذيري
دخيلك شق صدري شوف وش بينت وش مخفي
ترى كلي كلام و ما قدرت أعطيك تفسيري
غلاك اكــبر من انه يحتويه الكون و يكفي
يكفي الأرض و السـت الـبواقي دون تقصــيري
وصدق كلمة احبك واحبك حيل ما تشفي
أنا ودي بكلمـــة ما لفظــــها في ا لبشر غيري
حامد المالكي

شعر
حامد معتوق المالكي