كل عام والجميع بخير00000


أرجو قبول هذه المتواضعة000

ما كل صوتٍ بسمعه برخي له=إلا لصـوتٍ زارنـي هالليلـة
نبهني اني عايـشٍ فـي غفلـة=لا والبلا يحكي..ونا باومي لـه
يقول كل العالـم اللـي حولـك=اما تشيلـك..أو تـدور شيلـة
ساعات ظنـك كلهـم اخوانـك=الين وقتـك مـا يبيـن ميلـه
عقب الرخا..تلقى عريب المجنى=لاشتدت الأزمة فرق عن جيلـه
دامة من العشرة صفالك واحـد=غرد يا طير يجيك باقي سيلـه
الحمـد لله دام باقـي صاحـب=افرح..وغن..وشيل ميّة شيلـة
لا تصيح من قلبٍتعنّـى باهلـه=لا واحسافة يـوم مابـه حيلـة
شوف الزمن من سطوته خلانا=ياس..وقهر زودٍ علـى تنكيلـه
هذا ينـازع ذا ..وذا يشتـم ذا=تنسى أبرهة يوم انرجم مع فيله
رجواك يالله كـل شـي زايـل=رجوى كريمٍ كل ذنـب تزيلـه
ابليس والدنيـا ونفـسٍ تهـوى=والقلب ميلـه الغـرو والشيلـه
نبغى رضاك وكل ذي اعدانـا=المشكلة..من غيرك آبشكي لـه
يا رب أجب دعـوة فقيرٍمسلـم=نادم00 وكل في البشر يرثـي لـه

صح لسانك يا نديم ..

مبدع ولا زيادة !!

تحاياي ..

نديم الحرف

صح لسانك .. ولا هنت .. اخوي ..
قصيدة راقيه .. وكالعاده ..
لك نهجك وخط شعري مختلف ومميز ..
تسجيل اعجاب ومتابعه ..
تقبل صادق الود وفائق التقدير ..
ودمت في خير ..

الســ فهـد ـــــاري