أكتـب ودمـع الحـزن علـى خـدي هـمـال = أبـكـي والـقـلـم يـكـتـب ومـابـايـده
مايقـدر يقـول بـس يابنـت يابنـت الـرجـال = مـوب انتـي اللـي تبكيـن مــن قصـيـده
بكـره إذا الله كـتـب وصـرتـي أم عـيـال = شلـون تربينهـم علـى أخـلاق حلـوه حميـده
والا بتتركيـنـهـم يـعـيـشـون بـاهـمــال = وتناظرينهـم وتبكيـن وتكتبيـن كـم قصيـده
إنتـي يابنـت البـدو يــا اخــت الـرجـال = قويـه مهابـه ارادتــك صـلـده شـديـده
ليش اللي يشوفك الحين يقـول همومـك جبـال = وانتـي تعرفـيـن نفـسـك بـنـتٍ سعـيـده
أبوك أحمد وجدك دخيل ومحمـود لـك خـال = وبنت ام معاذ وشلون تبكيـن وجدتـك عيـده
القـوي ماهـو اللـي بالميـدان صـال وجـال = القـوي الـلـي يفـكـر بافـكـارٍ سـديـده
وانتـي يابـنـت لــك اراده تـهـد جـبـال = كل اللي تبينه يصيـر تعرفيـن نفسـك عنيـده
يابنت تكفييييييييين ... يكفي بكا مثل الاطفـال = بتفارقين هلك .. لا تحزنين كوني بصبرك شديده
كونـي قــدوه لأصـغـر أخـوانـك لـيـال = كونـي لهـا اخـت وقـدوه حسنـه حمـيـده
واكتبـي الحـق وعيشـي باحـسـن احــوال = لاتكونين من اللي كله فاضي وبايـده جريـده
اكتبي احساسـك وانـا معـك كاتـب وحمـال = احمل واكتب اللي تبين لو ميـة الـف قصيـده

اقتباس كنت اذاكر عربي101

بشري .. عساتس نجحتي ..

همسة وفا .. تصدقين أنا مثلك بالضبط ..

أجواء الإختبارات هي الأجواء اللي أكتب فيها ..

مرة رحت أدرس صيفي .. ومتغرب وحالتي حالة .. خلال يومين بس كتبت ثلاث قصايد ..

أول قصيدة كتبتها بعد ما دفعت العربون حق الشقة .. من القهر .. غالية مرة ..

مع إني بالعادة ما أكتب إلا كل شهرين تقريباً ..

على العموم صح لسااااانك يا همسة .. وبالتوفيق يالغالية في دراستك ..

وعقبال الشهادات العليا ..

وإن شاء تكتبين لنا قصيدة وتنزلينها هنا ليلة ما يناقشونك برسالة الدكتوراة ..

عاد وقتها بتطلع القصيدة غصب ..

تقبلي تقديري ..

السبع ..