حبك وطن

يا زين زينك فوق بولند عالي = الطيب اصلاً في يدينك تجرّه
لعيونك اكسر في بيوت الجزالي = والفعل لجلك بكسره ثم اجرّه
لا شفت خلي تاه واحتار بالي = والي فقلبي كل قافي يخرّه
و شلون بوصف يا حسين الدلالي = الشين فيك يزين يا حلو مُرّه
الفً و سينً فالسما فالعلالي = ميمً و مده ظلّ هذي المجرّه
جسمه رشيقً مشـــيته بالعدالي = ثغرة صغيرً مثل والله دُرّه
و العين كنه نجم عالي يلالي = و حجاج خلي صاير هلال غرّّه
يا زين حبك دوم في القلب غالي = ومن بعد حبك زاد نارً و حرّه
الحب زرعً و انتي مايً زلالي = محتاج مايك كرةً بعد كرّه
انا لك الفارس وصرتي حلالي = أصول في دنياك وادي و حرّة
كنك وطن مخلص وانا صرت والي = أحتاجلك في كل كره و فرّه
لعيون خلي بعت نفسي و حالي = واصبر على خلي بحلوه و مرّه
لعيونك اكسر في بيوتي و لالي = والفعل لجلك بكسره ثم اجرّه