هذه قصيدة وطبية قلتها اثناا غزو العراق للكويت و السعودية ونشرت في الجرايد والاذ اعة السعودية
حينها
وقد انتهى كل شييء الان ولكن عرضتها في المنتدى للمعرفة الشعرية فقط وهيى واحدة من سبع قصائد الفتها
في حرب الخليج ونشرت فى الجرايد من وقتها

القصيده

ياهل العراق اصحوا بعد ذقتم المر = من حكم خصص للفتن والضــلال
اصحوا من الغفلة ترى الباقي اخطر =ولا يرد الظلم غير النضـــــــــــــال

با اخوانا كنا لكم درع واكثــــــــر =في حربكم سقنا عزيز الريـــــــــال

بوم انكم فالنار والبرد والحـــــــر =كنا لكم بيت وريف الضــــــــــلا ل

لولا مواقفنا فلا كان يذكـــــــــر =فعل لكم قدام حكم المــــــــــــــلال

واليوم جانا ردكم ماء معكـــــــر =ردا على الماء القراح الــــــــزلال

والكل منكم ماتنكر لمنكــــــــــر =اوطى براسه بعد ماكان عالـــــــي

الروس من خوف الطغاة اتهصر =لاوا خسارة لبسها للعقالــــــــــــــي

وامست موازين العراق اتحــدر =واتموج من تحت الحمول الثقـــــال

متى براكين العراق اتفجـــــــــر =متى نرى شعب من الذل خــــــــال

الى متى يحكمكم الوغد الغبـــــر =ويسوقكم مثل الغنم والبغــــــــــال

اقضوا على منه طغى ويتجبــــر =فيكم و لاير عى عزيز وغـــال

قولو معا بسم الله الله واكبــــــــر =عليك ياصدام شين الفعــــــــــــــال

شوفوا لكم حاكم عظيم امشهــــر =امثال ابو تركي حميد الخصـــــال

عبد العزيز اللي على الدوم يذكر =نفخر باخو نورة على كل حاــــــــل

عبد العزيز اللي معه سيف يبتـــر =اللي لياماقال يحما المقـــــــــــــــال

عبدالعزيز اللي من الجهل حــرر =شعب الجزيرة شرقها والشمــــــال

عبد العزيز اسس وشيد وعمـــــر =واقفى وعقب جيدين العيــــــــــال

اعيال صقر الكل منهم مصقــــر =مايمسكون اللا العلوم الجــــــلال

صاروا على نهج الامام المظفـــر =والخير معهم مثل وبل الخيــــــال

اسعود والفيصل وثم ابو بنـــــــدر =معربين بين عم وخـــــــــــــــــال

واليوم يحكمنا المليك الموقــــــــر =الفهد راع الاولة فالنـــــــــــــــزال

صدام تسال عن فهد وانت تخبـــر =ان الفهد شهم كريم السبـــــــــــال

بعد سالت اعطيك انا ماتيســــــــر =علم صحيح ولا خلط بالمحـــــــال
الفهد ياصدام كالنور الاخضــــــر =للعلم يسعى دائما مايبالــــــــــــي

صدام ياطالع على الناس بالشــــر =الفهد بالخيرات ذكره يلالــــــــــي

صدام ياللي من طبايعك تغــــــدر =الفهد مايغدر في سود الليالتــــــــي

صدام ياسفاك للدم الاحمــــــــــــر =الفهد مايهدر دمي الرجالــــــــــــي
صداام ياهدام بيت معمـــــــــــر =الفهد يبني للعلى والمعالــــــــــــي

فهد مع الجيران فالسر والضــــــر =وانت على الجيران سم وبـــــــــال

هذافهد للخير فيالجهر والســــــــر =اما انت فعل الشر لك راس مــــال

صدام يالحصني على ايش اتنمـر =ماتدري ان النمر روس الطــــوال

خل النمارة للفهد وانت اضغــــــر =منها ولا انت للنمارة مــــــــــــــوال

واين انت من فهد العروبة يالقشــر =انت فالاسفل والفهد فالعلالـــــــــــي

اذا دعا الواجب عنه ماتستـــــــــــر =يوم انت في خندق عليك الرمـــــــال

وعبدالله اللي مايهاب المخطـــــــــر =يعجبك فعله حين مس الحبــــــــــال

يشدا لبو فيصل عنه مايوخـــــــــــر =سواة ابن غانم وزيد الهلالـــــــــــي

وسلطان لامنه تشهد وكبـــــــــــــــر =جيش العدا مصيرهم للـــــــــــزوال

ناظر لبو خالد فيراس المعسكــــــــر =كالصقر ابا الجنحان ياهملالــــــــــي

وشعب السعودي ينقل الماس الاشقر =والنار يشعلها عليك اشتعالـــــــــــــي

اجيوشنا فالبجو والبحر والبــــــــــر =تحسن فنون الحرب وقت القتــــــــال
وجيش الامم كله عليكم تعسكـــــــر =ولا تفكك كثرة الاحتيـــــــــــــــــــال
وحنا هل العادات فالكر والفــــــــر =لنا عليها قوة واحتمـــــــــــــــــــــال

دنيا ترى ماهي على ماتصــــــــور =اشرد قبل تندم على كل حــــــــــــال

بعد سمعت العلم راجع وفكـــــــــــر =وعن ديرة الجيران شد الرحــــــــال

تمت وصلى الله على الوجه الانـــور = اعداد نبت فالسهل والجبـــــــــــــــال

الشاعر حسين مريع العبيدي