علّها تنال على الرضـــا ,,
الأمسية الشعرية بمهرجان صيفنا صار بقرية مشار 1428هـ

فزّ قلبي يوم قالوا انت شاعر بس صغير = قلت في بالي وماله دامني بصف الكبار
انظم الأبيات واترك كل حاسد او حقير = ومن يشكك في حروفي ياعسى تصلاه نار
من ثلاث ايام جاني من هوا الديره بشير = قال : يالله يافهد ودي تجينا في مشار
عندنا هالصيف احلى من كنافه او عصير = صيفنا قد صار يالله في مشار بإفتخار
ووقتها واقف ابشري حاجتن لي من جرير= بس رجلي ساقت الخطوة في وضح النهار
هيه ياللي من صدوف الوقت جاي وتستشير = مالمحت الا بنفسي تايه اركض للمطار
ماسك الطابور ابحجز حتى لو مقعد اخير = بس قلبي كنه وقف يوم قالي : إنتظار
وقتها مانيب مدرك وش سواتي والمصير = قلت احرك يم حايل حتى لو قالوا: دمار!
وقمت ادارك وقتي واثني في ثنائي للأمير = سعود ياوجه السعد .. ياجعلك تحرّم لنار
في حضورك رهبة وهيبه واصلاً انت غير = انت في كل المواقف ماتعرف الإنكسار
دام جده هو ابو تركي .. فإعلموا انه كبير = والكبر لله لكن في قلوب الشعب صار
قلب نابض في عروقه فكر مايعرف يحير = جزل . وافي.. قرم يعني كل شي بإختصار
وثم اورّد في قصيدي يم فكري والاثير = اللي يحلم في لقاء ابن المقفع .. بلا حصـار
حتى ودي اجتمع.. بابن ابي سلمى زهير= وامرؤ القيس وفرزدق والحطيئة في مشار
لاجل افاخر في هلي قدامهم كني وزير = ناظروا ظلعان حايل .. ويناظروها بإنبهار
ثم يقول ابن المقفع: يافهد انت الخطير ؟ = ثم ارد بكل جرأه بقولي ياويحك ياجار
الخطر ماهو خطر لكن مع اخطائي تصير= مجزرة في كومة ابيات الشعر للإندثار
والشعر مايعرف اسماء.. ذي مناير او عبير =مايعرف الا الحقيقة ويرسم بسكّة قطار
هيه ياللي ماتنادي هيه ياللي ماتجير = هيه ياللي ماتحب تشوف في وجهي سمار
حنا جند(ن) للوطن وللدين وللبيت الكبير = حنا درع المملكة لاجاها في وقت الحصار
حنا يالجاهل سلاح(ن) يقتصي بسيف(ن) شطير = حنا روسن ترتفع ماهيب مثلك راس عار
اسمع لقولي وناظر( كان ماجاك النذير) = هذا ابو متعب عريب الساس مايلحقه ضار
حنا لانادى المنادي مايهم اصبح اسير = بس ادافع عن حما هذا الوطن وهذا شعار
وفجأه من بين القوافي وكني بالمعنى اطير = مابقى الا كم كيلو .. لوسط حايل او قفار
وقتها جمعت كل اوراقي وكني زهير = واضحك لوهله واتمتم .. قال ايش قال صغار

كونوا بود ,,