قولوا لها : بغياب يومين وش صار =وقولوا لها : وش كثر عندي غلاها

وقولوا لها : عندي سواليف ٍ كثار=وقولوا لها : ملهوووف بسمع غناها

وقولوا لها : دمعي على الخد مدرار=وقولوا لها : انّ المشاعر تباها

وقولوا لها : انّي من البعد منهار=وقولوا لها : قلبي وعيني فداها

وقولوا لها : ان انتظاري على نار=وقولوا لها : ترجع عساها عساها

امّا تجي.. من دون ماتذكر.. أعذار =والا ..ترووووح.. وسدد الله خطاها

مانيب اجازي.. حسنة الحب.. بإنكار =ولانيب اطوّل.. في غيااابي.. كماها

انا انسحرت... بعشقها.. سحر و اقمار =من دون لاشعر.. صرت كلّي.. معاها

من يوم ..ماكنّا ..مواليف وصغار=كانت هوى قلبي ..، وقلبي هواها

كانت تغار. وكنت أنا اغار.وأغار=وأغاااار... حتى من اخوها.. علاها

واليوم غابت.صدق يوم الزمن جار =وراحت ولا اتحقق.,, مناااي ومناها

هذي نهايتنا..على كف الأقدار =اصفْق يديني...،، يوم تصفق يداها

ان كانها عادت تبا تشوف وش صار =وتشوف قلبٍ .. ما تجرأ ونساها

وان روّحت.. قلبي يسوي.. لها اعذار =وأدعي لها ...ربي يسدد خطاها !!

شاعرنا العذب
مشعل بن سعود

صح لسانك مدد بلا عدد ..
حضور راقي .. بوارفة باذخة الجمال ..
ياطيبك يامشعل .. وياطيبك اصلك ..
حب صادق ... أرتبط بالوفاء ..
والتسامح .. سأكتفي بهذا القدر ..
خوفاً من تشويه جمال حروفك ..
بخربشاتي المتواضعه ..
رائع يامشعل ..
تقبل صادق الود والتقدير ..
ودمت بخير وحب ..

لقلبك