يا مشعل بن سعود يا بعض الاشعـار =ودك تطـول ولا يـجـي منتهـاهـا

حيث إنها يا صاحبي مثـل الأمطـار = تحيي القلـوب اللـي تزايـد ظماهـا

وانته قطعت مْعَ الجزيـلات مشـوار = يوم إن غيـرك خطوتـه مـا بداهـا

ما ذقت يا مشعل شكـا منـه عمـار = يوم ( الغلا ) ما عادهـا فـي سماهـا

الجادل اللي شوفهـا شـفّ الأنظـار = بنـت القـروم اللـي بعيـدٍ مـداهـا

اللي ليا من روحـت بيـن الأزهـار = مال الزهـر علـه يلامـس وطاهـا

تقبل وتقبـل يـا ولـد روق الأنـوار = وجديلها لا أقفـت بِلـش مـع قفاهـا

في عينهـا ليـل ومتاهـات وأسـرار = وفي خدهـا فصـل الربيـع ابتلاهـا

مهرة ولا هي يا ولـد مثـل الأمهـار = تبـت يديـن اللـي جحـد مستواهـا

لو تجتمـع غـادة وتغريـد وأبـرار = تطغـي علـى كـل البنـات بحلاهـا

يفدا بحر عشرينهـا طـول الأعمـار = وجعل السعد في صبحها وبْ / مساها

((قولوا لها بغياب يوميـن وش صـار = وقولوا لها وش كثر عندي غلاهـا ))

يوميـن تنظـر وقتهـا حـال عمـار = يصبح على الضيقة ويمسـي علاهـا

وإن كان ما رد ( الغلا ) سوق الأعذار = الله يعين العين في نثر ماها