كل ماحاولت نسيانك نسيت = أنسى نسيانك وأروح اسأل عليك
صوتك اشجاني ومن شانك عنيت = وشيء غامض كان يجذبني إليك
كانت الصدمه عنيفه حين جيت = واكتشفت اني بعشقك لي شريك
شفت كلماتك معه تجرح تميت = مزقت قلبي قطع وأنصاب فيك
آآه أنا والله باسبابك بكيت = يوم بعتي قلب عاشق مشتريك
بعت كل الناس ولعيونك شريت = وبعتني من شان واحد مايبيك
والبلى عنك بعدني ماسليت = رغم موت القلب والجاني يديك
باختصار وصدق ماغيرك هويت = أنت محبوبي وأنا منّك إليك

اقتباس الكاتب : فهد الساري [عزيزي الزائر يتوجب عليك التسجيل لمشاهدة الرابط للتسجيل اضغط هنا] والبلى عنك بعدني ماسليت = رغم موت القلب والجاني يديك باختصار وصدق ماغيرك هويت = أنت محبوبي وأنا منّك إليك

الله يا فهد ..

صح لسانك يالغالي ..

عذبة وسلسه وجميله .. تماماً كما أنت ..

بس لي ملاحظتين على القصيدة .. مع إني أشوف الشعراء يستخدمونهم وعادي جداً ..

الملاحظة الأولى / تنويع القافية .. قافية قصيدتك كالتالي (( الصدر ـــيت والعجز ـــيك )) .. يعني كلها مد حرف الياء .. لكن لو خليت الصدر يفرق عن العجز .. يمكن تكون أقوى للمتلقي ..

يعني بالشكل التالي مثلاً (( الصدر ـــيت والعجز ـــاك .. أو ــــوك .. يعني مع الألف أو الواو .. ))

الملاحظة الثانية / صيغة المخاطب .. انت نوعت من خلال قصيدتك .. مرة خاطبت مذكر .. ومرة مؤنث ..

في شطر قلت فيه (( يوم بعتي قلب عاشـق مشتريـك )) وشطر آخر قلت فيه (( وبعتني من شان واحـد مايبيـك ))

مع إني أشوف الشعراء ينوعون بصيغة المخاطب .. ويذكرون إن الخل والوليف والحبيب والحبيبه كلها كلمه واحده ..

هذا اللي عندي يالغالي ..

ومثل ما ذكرت لك .. كتاباتك قمة في العذوبة ما شاء الله <<< بس مقل بشكل ملاحظ ..

تقبل تقديري ..

وترقبي للقادم ..

السبع ..