هيه يالهاجس تفضل وأخذني ودّني=ودني مع ظلمة الليل يامال السعد
ولا وصلت لمنتهاك ومرادي حطني=وانسني والعبد رجواه فى الفرد الصمد
لا هجع غيري من الناس عنده خلني =باتمشى بين خده ورمشه والبرد
خلني باتوه..وأموووت..وأحيا بكفني=اكفني هي لبّةً كالقمر لامن جرد
تحت زر الجيب والرمش هذا مسكني=والعشا من وجنتينه وعائش في رغد
وأتعوّذ من حسد حاسدين المهتني=إكفنى ياربنا شرّ حاسد لا حسد
وان صحى بي قلت كلمه وقالت بدني=وجيت أباعلمك فيها وأبأرحل للأبد
انت ياللي لا ذبحني..ولا ريحتني=وكل يوم تزود قلبي بطعناتً جدد
وأنت متمكن بقلبي ولا أستاذنتني=بس أخذ راحتك يا ذا الولد في ذا البلد
الجنوبي قال بيديك تكفى ضمني=ضمني ضمة غريراً بحضن أمه رقد
وأنا جيت ابأعترف لك لعلك تعتني=بالذي من بعد عرفك حياته في كبد
أحسب اني قبل أعرفك عن العالم غني=وكاملٍ في كل حاجه ولا أفكّر فى أحد
ويوم شفتك صابني منك شيٍ لبسني=وصرت عائش معي مابين روحي والجسد
حاجتي لك بأختصرها عساك تمدّني= وتحيي عروقٍ يباسا وترويها بعد
بسألك هل ممكن انك عن الماء تغتني؟=وتقدر تمارس حياتك ولا تشرب أبد؟
فأنت ليه مثل هالماء اذا حلفتني=وأنا عطشانٍ يعاند وعايش في نكد
شاف ماه بيد عدوه ولا قال أسقني= خايف انه يطلبه منه ويكبه حسد