وافق تاريخ اليوم لحظة حزينه=وتجددت كل المعانات ياخل

روحك ترى وسط الحنايا رهينه=تركي وياما من جفاكم تحمّل

أحيان أقول الوقت هذا غبينه=ياقلب فكّر بالليالي تأمل

وأحيان أقول الحظ غايب ياوينه=حظي زمان(ن)ماعليّا تجمّل

ودموع عيني ياحياتي سجينه=خوفي من الأنذال تفرح تناقل

كنت البحروأنتي بوسطي سفينه=والموج حبّك يسعد القلب لا أقبل

رمشك عذابي والعيون الحسينه=كنك قمر ونجوم ربي تسأل

عن هالجمال الفذ طفله يازينه=حتى المرايه غايره وتململ

أنتي شتاتي والهموم الدفينه=وأنتي حروفي في وصوفك تفاءل

يازهرة الروض الخضروالمدينه=ياعودموز(ن)مايلن وسط مشتل

من شوفتك حتى العقول الرزينه=لو شافتك يابنت لابد تختل

العذب / تركي الجساس

حضور رائع ..
بكلمات عذبه ..
وصور جماليه .. تفوق الوصف ..
صح لسانك .. ولا هنت ..
وننتظر القادم ..
تقبل صادق الود والتقدير ..
ودمت في خير ..