ياقبر فيك الي عزيزن من الناس=ماهو من العزوة وغصبن بكيته
عضيت صبعي مدمية بين الاضراس=هول الخبر وسط الرسالة قريته
انا اشهد انه نايدن بين الاجناس=واعزتي لامه وياا كسر بيته
اقولها وانا جريحن ومحتاس=وعذري معي للي تركنا بصيته
راح الفقيدة طيب الذكر والساس=وباح الذي باقصى خفوقي خفيته
لا والله الا طاح فاس على راس=الصدمة الي حرهااااااا ماقويته
لا واعشيري راعي الطيب نبراس=انخاهـ لو انه بقبره....لقيته
يالشمري خليتني وسط هوجاس=لا يابعد حي التميمي وميته
مع النبي المصطفى خير جلاس=يالله في عفوك ولطفك ذريته
ياالله تبدل من ظلام وادماس=في وسط قبره يا إلهي ضويته
استغفرك يالله عن كل وسواس=والحمد لك على قضاء قضيته