مساؤكم / صباحكم .. رضا ..

لقلوبكم ..هذه المصــافحة ..

طوّل غيابك يا غلا وش جرالك ؟=واللي رفع قدرك سما وين اراضيك

الله وكيلك يا غلا كيف حالك=من يوم غبتي حالتي بس احاتيك !

كانه سعد جعله على طول فالك=والا شقا ؟ جعل الشقا ما يخاويك

غبتي وانا من غيبتك مع خيالك=اثر خيالك مثلي مولّعٍ فيك !

نسهر معا عطرك وعقدك وشالك=مع بسمتك مع رقتك مع تغلِّيك

مع ضحكتك مع دمعتك وانفعالك=مع دلعنتْك ومع تكسِّر خطاويك

واليوم يا قلبي ترى القلب شالك=جدد غلاتك يا بعد راس مغليك

وابنتظر قلبك يجدد سؤالك :=لا صرت شايلني / أجل وين باقيك ؟؟

ولا همني طرح القصيدة قبالك=يالغالية همي ليا جيت قاريك

ابنتظر ردٍ يجي من خلالك=عليه من رسمك ورقة معانيك

اسجّ مع حرفك واناجي خيالك=واهل دمعاتي على خط اياديك

واذكر زمانٍ يالغلاوي مضالك=يوم القصايد كلها ودها فيك !!

ولقلوبكم .. صادق المحبة ..

السبع ..

يآإآ صبآحْ

الطُهـٌرْ

و الحرفْ الجميلْ

الله عليكْ يالسبعْ قصيدهـْ ولآ آروعْ

ببسآطتهآ و روح الشوقْ فيهآإآ

تألقتْ حتى اللا نهآيهـْ

صحّ كلّكْ على هالبآذخهـْ

لكْ مني آطيبْ المنى المورّدهـ بسموكْ