من شفايا التوت تكفى أروني = أنت ريقك ماتمله هالشفاه
أسقني من طعم فمك أسقني = أنت منوة قلبي بهذي الحياه
بين أيادي عطف حبك ضمني = حتى تعرف مابقلبي أو خفاه
يابعد كلي وأنا كلي غني = أنت نادر مالكك واضح غناه
لو تبي تبعد دقايق لمني = شوف في وجهي حزن قلبي وشقاه
الله أكبر شف أنا بك مهتني = والله أكبر قلبي لقلبك لقاه
تبغى تبعد يالله فكر ورني = تلقى نادر لازقن بك هالسواه
يابعد كل الجمال بها البني = بيني وبينك ترى حذفة عصاه
أعطني حبك دخيلك أعطني = قلبي لقلبك ترى بين وفاه
وأنا حاكم يالله حاول أعصني = كيف تعصي من حكم حبك ولاه
أطلبك تكفى رجيتك خمني = هذي منوة نادر وهذا مناه