الله على المزيــــون سيـــد المزايين=يصعب على بيوت الشعر صعب وصفه
فيه الحلا والزيــــن ويعـــاند العيـن=يصعب علــــى الرسـام حـــــتى يشفه
كامل وربه كمــــله كامـــل الزيـــن=شفت القمـــر كـــــله ولا صار نصــفه
كل البنات بزينــــهـن قالـــهن ويــن=يــــرجح بها الميـــــزان لا جت بكفه
له ابتسامه ساحـره .. ساحــــره دين=كــــن القمــر بيــــن الخــدود يترفه
لو يبتســــم للنــــاس يســحر ملايين=وارزن عقـل ينــــهار ويجـــيه خفه
وله نظــــرة فيــــها دلع جانب اللين=عانق سواد العين رمش ٍ تصفه
ياثقل رمشه لا بغت ترمش العين=كنك تحسب الوقت لاجت تكفّه
والا الشعر يآخذ من الصبح ثلثين=على الجبين الصبح ليل ٍ يضفّه
ابيــــع نفســــــي لجل حبه ولو دين=واشــيل قــلبي من ضلـوعي لكفه
والحين بالمختصر هو كامل الزين =انج ــــن قلــبي فــيه والشوق دفه