انحرمت ولاقدرت ولاطلع باليد حيله
وتعجز الخمس الحواس تعلمك وشلون حالي
كل حلم وكل علم وشي مايوجد مثيله
وكل ماتتخيلون ويعجز يطوله خيالي
كل شي جاه بالك او عجز بالك يشيله
كل ام وكل اب وكل اخ وكل غالي
اكذب ان قلت اقدر اوصف حبه باية وسيله
حبه ارفع..حبه اسمى.. حبه على من اي عالي
الابو اللي لافقدته!!؟؟يستحيل القى بديله
وام تسهر لو مرضت ولاتخليني لحالي
والاخواللي لوتعبت ارمي له حمول ثقيله
والصديق اللي بقربه.. يمكن اقرب من ظلالي
ايه هذا هوه حبيبي وهذي بحقه قليله
ولو بيدي كان عمري يأخذه ويحيى بدالي
ولو بيدي كان عمرك زايدً عني بليله
لجل ماتشقى وتشوف بدنيتك ماهو جرالي
صرت اعمى وسط دنيا ضايعً فيها دليله
لا اشوف ولابغيت الشوف وانته مو قبالي
لو ضمنت اني بموت ونلتقي فجنه ظليله
بدعي الله واطلبه وارجيه هو عالم بحالي
ان عمري لايطول وتصبح أيامه قليله
واجتمع ويا حبيبٍ في جنن الخلد سالي
آه يانايف دعيت وما بقى باليد حيله
يعلم الله اني ولهة لشوفتك والله ياغالي

مشكوووور على مرورك وعلى التعليق الجميل
ويسلم غاليك يالغالي ... عموما كلك نظر واتمنى فعلاَ
يكون حضوري خفيف عليكم
تقبل تحياتي