يامل عين دمعها صار ينضب=من كثر ما تذرف دموع سكابا
من شين هم جالنا اليوم منكب =وكل غريق بين موت وعذابا
عز العروبه ياعرب ماتعرب=اصبح ذليلا بين خوف ومهابا
العز روح يوم عنا تغرب= وصادف من العجم الرضا والرحبا
ولو تطلبه ينسى ويرجع مرحب=يرفض بليا شك ذل ومعابا
شعب رضوا بالذل والهم والغب= شعب ذليل وكل قومه تعابا
الكفر بالفلاك والحرب والطب=وحنا صنعنا العود عقب الربابا
وفي بعضنا شجعان بالضرب والسب=وحروبنا خندف ومره شبابا
والعنصريه فعلنا والتحزب=في الدين ولا الاصل يلا للغرابا
كانت قضيه واحده كلها عب= واليوم كل ديارنا في حرابا
وصار العدو خل ودود مقرب= عم الجميع وكل علمه صوابا
يابوش لك تقدير من خاطر عذب=ياذيب يالي من سلاله ذيابه
الحظ حظك يوم تغنم وتلعب=ما دام راعيها سموح الاجابا
وبوصيك ياذيب العجم لاتقرب=بصقور من حد النظر والخلابا
وارتع ترى الايام يمكن تقلب=ويموت كل البوم حتى الغرابا
وترجعلنا الايام ورياحنا تهب=ويطيب جرح عاش عمره مصابا
ونعيد مجد اسلامنا بعزة الرب=يالله دعوتك ياعساها تجابا