قَدِيْمةٌ مُتَواضِعة!

تَقتاتُ قراءاتَكم..

قلــتي الكلافه بينـنا صمت و حجـاب=وانا نســـيـت انـي انـا .. صـــدقينـي

دام الـليالي ســود و القلـب مرتــاب=تبقى الشموع دموع في وسط عيني

في خاطري للـهم جرحــــيـن وكتـاب=اشيلـــها من نظــرتـي فـي جبيـــنـي

شكرا على كـل الأغـاني والاسبـاب=ونزف القــــصايد بين نفسي وبينـي

تجي كــذا و لاّ كـذا لــــيـل و اغـراب=تواجــهوا مثل الحزن فـي سنــينـي

خلي القصايد من عنا الوقت تنساب=بين الدفاتـر .. والضلـوع و حنينـي

خلي الكلام اكبر من الجرح لاطـاب=خلي السوالف لاغفـت . تحترينـي

جيتي وانا منصاب من جد منصاب=تضـيع مني حـاجتـي فـي يمينــي

تجتاحني سود الهواجيس وان غاب=منهم غريـم اليوم.. بــكـره يجينـي

يابنت ليت الحب خصــــمٍ وطــلاب=إمـا ذبحتـه .. أو باقـول اذبحـــينـي

طـــال المسيـر و لاتبينـت مشـراب=الا الظمـا .. كـل الظـمـا يرتـوينـي

هذا القصيد ان ناسبك خير واحباب=وان ازعلك على القصيد اعذرينـي

لا تظلميني دامــنـا غـرب و اجنـاب=خلي الجروح تطيــب ثـم اظـلمينـي