اخذى جميع اللى تبين وعطينى
مجال .. اعبر عن هوى النفس وارتاح ..
ابشرح اللى داخلى .. وافهمينى
يمكن عذابى لاتكلمت .. ينزاح ..
بقدم اعجابى ولا تواخذينى .. وافهمينى
ترى الولع فى بعض الاحيان .. ذباح ..
لاتواخذينى .. جاملى .. واسمعينى
حتى ولو كنتى على ضحك ومزاح ..
انا اندفعت بعاطفه .. قدرينى
راعى شعورى .. لاتزيدينى اجراح ..
صبرى نفذ .. ماعاد هو .. فى يدينى
حاولت اخفى .. لكن الشوق فضاح..
مانى ضعيف بعزتى .. صدقينى
بس المشاعر تجذب الشخص .. لاطاح..
والنفس لاحبت تراها تلـينى
يطـيح صاحبها لو كان نطاح..
وانا وقعت من الولع سـاعدينى
ياللى جبينك بارقن بالدجى لاح..
تكرمى يـافـاتنه وانقذينـى
مدى يدينك تبتدى دنيا الافراح..
تعـالى بعمرٍ بـقى شـاركينى
العمرمره .. وأكثرالعمر .. قد راح